Потребни состојки:
25 кг. црвани пиперки (капија)
10 кг. модри патлиџани
4 л. масло за јадење
Едра сол
Пиперките ги миеме, бришиме со чиста крпа, со алатка им го вадиме семето, а потоа, ги печиме (по желба може да испечиме и 1 кг. лути пиперки) и ги ставаме во најлинска кеса за подоцна да можат полесно да се лупат. И модрите патлиџани ги миеме, бришиме и ги печиме, а потоа ги ставаме во вода за и тие полесно да се лупат. Црвените пиперки и модрите патлиџани ги лупиме и ги ставаме во цедалка да се цедат, а потоа фи мелиме во машина за мелење месо. Мелените пиперки и модри патлиџани ги пржиме во бакарна тава во која пртходно имавме ставено 1 литар масло за јадење, додаваме едра сол по вкус, а во текот на пржењето го додаваме и останатото масло за јадење. Постојано мешаме со голема дрвена лажица. Ајварот е готов кога ќе почне да се одвојува од страничните делови на тавата и веднаш се собира и се затвара во претходно загреани тегли. Се остава да се олади, а потоа се складира во темна и сува просторија, каде што стои останатата зимница.
|